Ашваганда (лат.Withania somnifera) е една од престижните и витално важните билки во Ајурведската медицина која старите хиндуси ја користеле уште пред 2000 години.  

Ашваганда е во суштина ниска грмушка со мали зелени цветови и портокалово-црвени плодови (заради што се нарекува зимска цреша) која води потекло од повеќе региони во Индија.
На Санскрит оваа билка значи „мирис на коњ”- индицирајки ја притоа моќта на оваа билка која дава здравје и снажност на организмот како онаа на младите коњи. Старите Хиндуси ја користеле ашвагандата уште пред 2000 години како енергетик кој го подмладува организмот, за подобрување на менталното здравје и зголемување на физичката сила, репродуктивната способност, како и за зголемување на отпорноста на организмот кон настинки, грип и инфекции.

Карактеристики:

Лабораториските испитувања покажуваат дека хемиските компоненти кои се присутни во коренот на оваа билка припаѓаат во групата на антиоксиданси и алкалоиди од типот на витанин и витаферин, потоа масни киселини, аминокиселини, холин и различни видови на природни шеќери.

Ашвагандата има антистресогено и адаптогено дејство – го подмладува и освежува организмот, делува како невротрансмитер кој ги подобрува конгитивните способности, како и функцијата на имунолошкиот, кадиоваскуларниот, нервниот, репродуктивниот и ендокриниот систем. 

Ашвагандата исто така има благ седативен ефект врз централниот нервен систем и делува како мускулен релаксант заради што се препорачува за намалување на ефектите на стресот, несоницата, анксиозноста и депресијата. Најчесто се употребува за подобрување на виталноста и општата здравствена состојба, особено кај лица кои се опоравуваат од тешки или хронични заболувања и помага во справувањето со болката кај артритисот и други коскени заболувања.

Повеќе студии за Ашвагандата покажуваат дека таа поволно делува врз некои бактериски инфекции предизвикани од Салмонела (разни труења со храна, дијареа и повраќање).
Во Азија оваа билка многу често се се користи и за зголемување на либидото, третман на импотенција и зголемување на плодноста кај мажите. Таа исто така помага и во регулацијата на шеќерот во крвта и ја намалува желбата за слатки работи заради што се препорачува и кај дијабетичарите.

    Примена:

• при хронични заболувања, анемија и намален имунитет
• респираторни заболувања (бронхитис, кашлање и настинки)
• при болести на дигестивниот тракт (улцерозен колит, чир на желудник, хемороиди, пролив, повраќање и разни инфекции)
• при дијабет (хипогликемија)
• кај срцево-садови заболувања, хипертензија и ангина пекторис
• кај невропсихијатриски тегоби и емоционални состојби (депресија, стрес, анксиозност)
• при туморозни и малигни заболувања
• при автоимуни заболувања (лупус, ревматоиден артрит), туберкулоза
• кожни заболувања (разни рани, псоријаза)
• сексуално преносливи заболувања и намалена сексуална енергија