Во однос на општата популација, пациентите со малигни болести кај заразата со корона вирусот имаат  поголем ризик за појава на потешки компликации на респираторниот систем, објавија научниците во научно списание  “The Lancet” откако ја анализирале здравствената состојба на 18 онколошки пациенти заразени со  корона вирусот во Кина.

Во студијата се анализирани податоци на 1590 лица заболени од корона вирусот во 575  болници. Четири од  16 пациенти примале хемотерапија или биле оперирани во последниот месец  додека останатите 12 биле оние кои го преболеле ракот (за два пациента не се познати податоците).

Според истражувањата, смртноста кај пациентите со малигни заболувања од корона вирусот е 5,6 %, што  е  двапати повеќе од процентот на починатите кај општата популација.

Научниците сепак предупредуваат дека сеуште нема доволно податоци кои би воделе до заклучок дека  заболените во рак се во поголема опасност да бидат заразени.

Најјаки симптоми имале повозрасните, од 60 години нагоре.

,,Како стареете вашиот имунолошки систем не работи како претходно,, – објасни за “Cancer Health” инфектологот Стив Пергамс од “Fred Hutchinson” Центарот за истражување на ракот.

Тој  рекол  дека  заболените  од  рак,  оние  кои  се  на  хемотерапија,  пациентите  со  пресадена  коскена  срж и  оние  кои  се  лекуваат  со  високи  дози  на  кортикостероиди, имаат  поголем  ризик  од  појава на  потешки  компликации  и  заздравувањето  кај  нив  подолго  трае.

Дали  сите кои боледувале  од  рак се  имунокомпромитирани?

Пациентите  кои  се  излекувале  од  рак  и во моментов  не  се  на  терапија,  во  случај  на  зараза  со  корона вирусот  веројатно  немаат  поголем  ризик  за  развој  на  најтешки компликации на  респираторниот  систем  во  однос  на  другите  луѓе во  нивната  старосна  група.  Хормонската  терапија  за  ракот  на  дојка  исто  така  нема  да  го  зголеми  ризикот  за  појава  на  најтешки  симптоми  на  болеста.

Во најризична  група  влегуваат  луѓето  кои во  моментов  примаат  имунотерапија  или  нивната  болест не  е  во  ремисија.  Хемотерапијата  носи  поголем  ризик  од  зрачењето  или  операцијата,  но  ,,се  што  предизвикува  стрес  на  организмот  има  потенцијал  за  зголемување на  ризикот  од  инфекции,,.

Кои видови малигни  болести  се  во  најризичниата  група?

Во  најризичната  група  влегуваат  малигните  болести  на  крвта,  леукемија,  лимфоми  и  мијелодиспластичниот  синдром. Во  високо  ризична  група  спаѓаат  и  пациентите  со  активен  рак  на  белите  дробови  кои  имаат  висок  ризик  за  развој  на  респираторни  компликации.  Во  поголем  ризик  се  и  пациентите  кај  кои  е  трансплантирана  коскената  срж  бидејќи  нивниот  имунолошки  систем  останува  ослабен  подолг  период  после  трансплантацијата.

Колку  долго  пациентите  се  имунокомпромитирани  после  хемотерапијата?

Ризикот  е  поголем  веднаш  после  примањето  на  хемотерапијата,  но после  извесно  време  ризикот  се  намалува.  На  пациентите  кои  се  лечени  од  некои  нехематолошки  тумори ,,имунолошкиот  систем  побрзо  се  враќа  во  нормала,  во  рок  од  неколку  месеци.,,

Како пациентите  можат  да  знаат  дали  се  имунокомпромитирани?

Не  постои  едноставен  текст  со  кој  лекарите  можат  да  утврдат  во  каква  состојба  е  имунолошкиот  систем  на  некој  пациент.  Важни  информации  сепак  можат  да  се  откријат  преку  наодот  од  крвната  слика. Тој  податок  може  да  им  помогне  на  лекарите  да ги  препознаат  пациентите  кои  имаат  поголем  ризик  бидејќи  имаат  намален  број  на  леукоцити.

Кои  заштитни  мерки  треба  да  ги  преземат  пациентите  заболени  од  рак?

Избегнувањето   социјални  контакти  е  особено  важно  за  пациентите  кои  се  во  процес  на  лекување со  хемотерапија и  оние  кои  примаат  имунотерапија.  Тие  особено  треба  да  одбегнуваат   големи  собири  на луѓе, да не  излегуваат  од  дома,  ако тоа  не е  потребно,  и да не  користат  ниту  еден вид  јавен  превоз.

Мерките  кои  важат  за  сите особено  се  важни  за  заболените  од  рак: често  миење на  рацете, не  го  фаќајте  лицето  и  често дезинфицирајте ги  површините.

Подигнете  го  својот  имунитет   со  доволно  спиење,  квалитетна  исхрана  и  вежбање.

Што кога  личноста  заболена  од  рак  ќе  се  посомнева  на  зараза  со  корона  вирусот?

Пациентот  кој  во  моментов  се  лекува  од  рак   ако  добие  температура,  треба  веднаш  да  побара  лекарска  помош.  Ако  се  посомнева  на  зараза  со  корона вирусот,  треба  да го  контактира  својот  лекар  или  дежурен  епидемиолог.

Немојте  самостојно  да  одите  кај  лекарот  или  во  болница.

Симптомите  од  заразата  со  корона  вирусот  се  слични  со  симптомите  на  настинка  и  грип.  Проверете  како  да  ги  препознаете  симптомите и ако се  посомневате  дека  сте  заразени,  телефонски  контактирајте  го  својот  лекар  или  дежурната  епидемиолошка  служба.


ОСТАНЕТЕ  ДОМА!
 

,,Сите  ова  треба  да  го  сфатите  како  општествен  проблем. Сеуште  има  многу  луѓе  кои  велат : “Здрав  сум,  не  се  секирај,  јас  ова  ќе  го  пребродам” – Погрешно! Сите  треба  да  размислуваме  за  тоа дека имаме  родители,  баба  или  дедо  во поодминати  години  кои можеби  не ќе можат да го преживеат вирусот.