Здружението за борба против рак “Борка – за секој нов ден“, како полноправен член на Европската асоцијација за борба против рак на дојка “EUROPA DONNA“, на 03.11.2011 година организираше донаторска забава – “Розова Ноќ 2011“ , во чест на одбележувањето на “Октомври – Светски месец посветен на борбата против ракот на дојка”.  Средствата собрани од  донаторската забава беа наменети за набавка на нов кабинет за припрема на цитостатски лекови, кој е дониран на ЈЗУ Универзитетската клиника за радиотерапија и онкологија, Скопје.

По тој повод, на 06.06.2012 година (среда) , во 12 часот, ќе одржиме прес конференција во Амфитеатарот на ЈЗУ Универзитетската клиника за радиотерапија и онкологија во Скопје, каде ќе бидат соопштени деталите за горенаведената донација. На прес конференцијата свои обраќања ќе имаат:

– Г- ѓица Биба Додева, Претседател на Здружението „Борка-за секој нов ден“, Скопје

– Др.Милан Ристески, в.д. Директор на ЈЗУ Универзитетската клиника за радиотерапија и онкологија, Скопје

Со Почит,

Здружение за борба против рак „Борка-за секој нов ден“

Биба Додева Претседател