Колон канцер е канцер на дисталниот дел од дигестивниот тракт. Во повеќето случаи започнува како бенигни аденоматозни полипи кои непредизвикуваат симтоми заради што докторите советуваат да се прават редовни скрининг тестови со кои навремено би се открили полипите пред тие да станат колон канцер. Колоректалниот карцином е третиот по честота дијагностициран карцином кај мажите и жените, и втора најчеста причина за смрт од карциноми ширум светот. Кај нас од 2000 до 2008 годишно заболуваат од 23 до 27 лица на 100.000 жители. Најкритична возраст за да се заболи од овој вид на рак е шестата декада од животот, но ако болеста за открие во рана фаза, речиси во 90 отсто од случаите, се лекува успешно.
Овој тип на карцином се јавува поради абнормално размножување на клетките во дебелото црево (колонот) или ректумот. Колоректалниот карцином секогаш започнува како полип кој се развива на површината на слузницата на дебелото црево. Најчести два типа на полипи се аденоматозните и хиперпластичните полипи. Тие се развиваат кога се јавуваат грешки во регенерацијата на клетките кои го обложуваат колонот и ректумот. Повеќето полипи се презентираат како бенигни, но некои од нив имаат потенцијал да постанат малигни. Нивното рано детектирање и отстранување може да го превенира развивањето на карциномот.
Ризик фактори

Денешните сознанија укажуваат дека овој тип на карцином настанува поради интеракција помеѓу факторите на околината и генетската предиспозиција за развој на болеста.Како ризик фактори се вбројуваат :

• Возраст– повеќето од пациентите се постари од 50 години.
• Раса-луѓето од Африка и Америка имаат поголем ризик за колонканцер отколку луѓето од другите раси
• Лична историја за присуство на аденоматозни полипи
• Инфламаторни болести на цревата-(улцерозниот колит и Кроновата болест) по 10-годишна еволуција го зголемуваат ризикот за повеќе од 2 пати, поради појавата на тешки дисплазии на колонската лигавица.
• Хередитарни синдроми-генетски синдроми присутни со генерации во твојата фамилија може да го зголемат ризикот од колоректален карцином.Такви синдроми се фамилијарната аденоматозна полипоза (ФАП синдром), хередитарниот неполипозен КРК или Lynch-ов синдром и MYH-асоцираната полипоза. Овие синдроми се манифестираат со рана појава на  аденоматозни полипи во колонот и тоа пред 40 година.

• Фамилијарна историја на колон канцер и колон полипи-Поголем ризик за добивање на колоректален карцином имаат лица кои во својата фамилија имаат член заболен од оваа болест.
• Исхрана внесување на поголема количина на црвено месо (свинско, јагнешко, говедско) , мал внес на целулоза или влакнеста храна и внес на поголема количина на животински масти
• Седетарен начин на живот-без физичка активност
• Диабет и инсулин резистентна болест
• Зголемена телесна тежина или здебеленост;
• Пушење и внесување на алкохол над социјалните количини;

Во рана фаза не постојат рани предупредувачки знаци. Поради оваа причина неопходен е скрининг тест за сите лица постари од 50 години ,а за оние кои имаат барем еден од ризик факторите скрининг тестови треба да се направат и порано пред 50 година.. Како болеста напредува се јавуваат

• промена во рефлексната активност на цревата (опстипација-запек, или дијареа-пролив)
  • траги на крв во фецесот
  • перзистентен абдоминален дискомфорт како болка
  • губење на телесната тежина
  • замор

 Скрининг
Целта на скринирањето е откривање и навремено отстранување на аденоматозните полипи како и дијагноза на карциномот во рана фаза на болеста кога има најголема можност за излекување. Со цел за адекватна имплементација на скрининг програмите за колоректален карцином популацијата се групира во 3 категории за кои постојат различни соодветни скрининг програми:
1. популација со просечен ризик, во која влегуваат лица над 50-годишна возраст кои немаат фамилијарна историја за полипи или канцер За овие лица се препорачува да почнат со редовен скрининг на 50-годишна возраст.
Достапни се следниве скрининг опции, а најсоодветните се избираат по консултацијата со лекар:
- тест за окултно (невидливо) крвавење во изметот во 3 последователни столици- еднаш годишно;-
- дигитален ректален преглед: секои 3 години;
- флексибилна сигмоидоскопија: секои 3 години;
- виртуелна колоноскопија (CT колонографија): секои 5 години;
- двојно контрастна Ba-клизма: секои 5 години;
- колоноскопија: секои 10 години.
Се започнува со тест на окултно крварење кој треба да го направи семејниот доктор кај сите лица постари од 5о години.
Позитивен тест на окултно крвавење индицира:
- детален клинички и лабораториски преглед;
- дигитален преглед на ректумот и ректороманоскопија;
- доколку е наодот негативен, следува задолжителна сигмоидоскопија комбинирана со двојно-контрастна иригографија;

2. популација со покачен ризик –се лица со фамилијарна историја на болест

3. популација со висок ризик, лица кај кои е суспектен или потврден некој наследен синдром на колоректален карцином

Кај лица со покачен ризик и лица со висок ризик се препорачуваат Почести скринизи, почнати на порана возраст

ColoSure-нов напреден ,неинвазивен скрининг тест

ColoSure“ тестот користи само еден примерок од столицата ,а го открива присуството на активниот колоректален карцином кај лица со просечен ризик. Тестот се работи после еднократно земање на примерок од столоцата при комплетно празнење на цревата и ја испитува ДНА на одлупените клетки на слузницата на цревата кои би укажале на можно присуство на карцином.„ColoSure“ тестот може да се користи како дел од постоечкиот скрининг програм за колоректален карцином и е комплеметарен со колоноскопијата. Има опсег на осетливост од 72-77% и специфичност од  83-94% Овој клинички тест ги детектира промените во виментин генот на ДНА, кој е важен за имунитетот и за другите важни клеточни процеси во организмот.Ако при ова тестирање виментин генот се покаже како хиперметилиран или „исклучен“ т.е. неактивен, тоа би можело да укаже на рак на дебело црево. Истражувањето, објавено во септември 2008 година, во Американскиот часопис за гастроентерологија, покажало дека откривањето на метилиран виметин ДНА во фецесот било истовремено и високо осетливо и многу специфично за откривање на раните фази на рак на дебело црево, во кои фази болеста е излечива.

Дефинитивна дијагноза

Ако досега напоменатите тестирања асоцираат на колоектален карцином, следната метода со која сигурно се потврдува дијагнозата е биопсијата. Биопсијата се изведува во исто време со колоноскопијата, т.е. додека таа трае и тоа од местата кои изгледаат необично. Ова ткиво понатаму се испитува под микроскоп од страна на патолог кој утврдува дали се работи за малигно променети клетки или не.

Промени во животниот стил и во исхраната
Се претпоставува дека промените во животниот стил и во исхраната драстично го намалуваат ризикот од колоректален карцином, дури за 60–80%. За оваа цел потребно е

•  Внесување на поголема количина овошје, зеленчук во секојдневната исхрана за зголемување на волуминозноста на изметот и негова побрза пасажа низ колонот.
•  Редукција на внес на животински масти. особено онаа богата со заситени масти
• Замена на црвеното месо (свинско, јагнешко, говедско) со риба или месо од пердувеста живина. Црвеното месо да се практикува најмногу еднаш неделно. Се претпоставува дека хемоглобинот и миоглобинот во црвеното месо, во реакција со хемиските супстанции во човечкиот организам, создаваат канцерогени соединенија.
• Некои витамини и минерали имаат благо протективно дејство за заштита од развој на колоректален карцином, иако механизмите со кои дејствуваат сè уште не се точно утврдени. Од витамините, вакво дејство им се препишува на: фолната киселина (витамин B-9), застапена во лиснатиот зеленчук (спанаќ, марула), брокули, банана, легуминози; и на витаминот D, кој може да се внесе преку исхраната (рибино масло, риба, јајца) или да се синтетизира од самиот организам со изложување на сончева светлина. Од минералите, се претпоставува дека протективно дејство поседува калциумот, кој во поголеми количества се наоѓа во млекото и во млечните производи, во сардините, шкампите, а може да се внесува и како сумплемент (додаток во исхраната);
•  Редукција на телесната тежина под „Body Mass Index“ 26кг на квадратен метар телесна површина.
• Зголемена физичка активност од најмалку 30 мин
•  Апстиненција од тутун и од алкохол.Познато е дека алкохолот е потенцијален карциноген и поттикнува настанување на колоректален карцином.

Колон канцер превенција за лица со висок ризик

Некои третмани како што се лекови и хируршки зафати може да го намалат ризикот од  колон канцер .Подолготрајна примена на аспирин во високи дози може да го намали ризикот од карцином,но тоа од друга страна може да предизвика и несакани ефекти како гастроинтестинално крварење и улкус. Сличен ефект имаат и повеќето аналгетици како што се бруфен.Се препорачува и тотална колостомија  отстранување на колонот и ректумот за да се превенира појавата на карцином кај овие лица со висок ризик.

Staging на колоректалниот карцином

Стадиум I – Карциномот не е проширен во внатрешноста на колонот или ректумот ( не пробил под слузницата);
Стадиум II – Карциномот се проширил во мускулната обвивка на колонот и ректумот;
Стадиум III – Карциномот зафатил еден или повеќе лимфни јазли во таа регија;
Стадиум IV – Карциномот се проширил во останатите делови на телото, како црниот дроб, белите дробови, или коските.

Терапија

Терапијата вклучува хируршко отстранување на туморот во општа анестезија  Во случај на поголем тумор, мора да се отстрани целиот колон или ректум. Доколку карциномот се проширил во останатите органи (метастазирал) терапијата е комбинирана – хируршка, радиотерапија и хемотерапија, кои имаат за цел да ги олеснат симптомите и да го продолжат животниот век.

Методата како радиофреквентна аблација користи топлина за да го изгори туморот. Контролирана преку CT-скен, докторот воведува тенка игловидна направа која доведува топлина директно на туморот и околното ткиво. Ова е алтернативна метода за уништување на туморските клетки кои неможат да се отстранат хируршки. Кај пациенти со ограничен број на метастази во црниот дроб кои неможат да се третраат хируршки, хемотерапијата понекогаш комбинирана со RFA се користи за да се уништи туморот.

Во рана фаза колоректалниот карцином може да се излекува. Затоа секое лица треба да одреди во која група на лица со ризик се вбројува и навремено да започне со скрининг тест.

Mесец за свесноста за ракот на дојката е годишна меѓународна здравствена кампања од страна на големите добротворни организации за рак на дојка, со цел секој октомври да се зголеми свеста за болеста и да се соберат средства за истражување, превенција, дијагноза, третман и лекување на овој карцином. Кампањата, исто така, нуди информации и поддршка на оние кои се засегнати од рак на дојка.

Октомври е национален месец за свесност за рак на дојка, кога јавните организации, медицинските професионалци, владините агенции и невладините организации работат на промовирање на свеста за оваа болест. Промовирање на свеста вклучува едукација за превенција и лекување, прибирање финансиски средства, правење напори во изнаоѓањето лекови, како и поддршка за преживеаните и оние кои се занимаваат директно со болеста.

Ракот на дојката е петтата најсмртоносна форма на рак во светот и на оваа 25-годишнина од националниот месец за свесноста за рак на дојка, организација која го започна истиот, сака да ги потсети жените насекаде во светот да практикуваат редовни самопрегледи на градите, редовни посети кај лекарите и годишни мамограми, се со цел заштита на нивното здравје.
Според National Cancer Institute, една од 14 жени со рак на дојка е под 40 годишна возраст кога се дијагностицира и една од осум жени дијагностицирани со рак на дојка е помлада од 45, кога е дијагностицирана.

Историјат

Националниот месец за свесноста за рак на дојка бил основан во 1985 година како партнерство меѓу American Cancer Society и фармацевтскиот оддел на Imperial Chemical Industries (сега дел од Astra Zeneca, творецот на неколку анти-канцер лекови за рак на дојка). Целта на националниот месец за свесноста за рак на дојка од почетокот е да се промовира мамографијата како најефикасно оружје во борбата против ракот на дојка.

Во 1993 година Evelyn Lauder, виш корпоративен заменик претседателот на Estee Lauder компаниите ја основала фондацијата за истражување на рак на дојка и ја формирала розовата панделка како свој симбол, иако ова не е прв пат истата да се користи за да се симболизира рак на дојка. Есента 1991 година, Susan G. Komen Фондацијата, делела розеви панделки на учесниците во трката за преживеани од рак на дојката во Њујорк.

Активности и настани

Во октомври 1983 Националната трка за излекување се одржала за прв пат во Далас, Тексас, каде што 800 луѓе учествувале. Според организаторите, до 2002 година бројот на учесниците достигнал 1.3 милиони, а настанот се одржал во повеќе од 100 градови во САД. Настанот е организиран и во неколку други делови на светот.

Глобално осветлување

Estee Lauder компаниите договориле повеќе од десетина светски познати знаменитости да светат во розова светлина за да привлечат внимание за важноста на скрининг мамографијата за рана дијагноза на ракот на дојката, како и истражување за изнаоѓање на начини да се излечи и да се спречи ракот на дојката. Некои од овие обележја се:

• Белата куќа во Вашингтон, која е прекриена во розово светло за националниот месец за свесноста за рак на дојка, 14 Октомври.
• Кулата во Токио е осветлена во розово на 1 октомври, 2007 година за националниот месец за свесноста за рак на дојка.
• Стаклената ботаничка градина Куритиба (јужен Бразил) е осветлена во розово во текот на Октомври.
• Во Сиднеј, пристанишниот мост е осветлен во розово како дел од Estee Lauder компаниите во Сиднеј, Австралија.
• Историскиот мост на реката Дунав се запали во розова светлина за време на “Мостот на Здравјето” – кампања за подигнување на свеста за ракот на дојката, во центарот на Будимпешта, Унгарија.
• Статуата на Исус Христос Искупителот е осветлена во розово за старт на националната кампања “Розов Октомври” за да се подигне свеста за ракот на дојката во Рио де Жанеиро, Бразил.

Други познати места се Нијагарините водопади, Онтарио, Канада и Empire State Building, Њу Јорк, САД.

Розови денови

Во текот на месецот за свесноста за ракот на дојката, секој октомври луѓето собираат пари преку организирање активности како што се тематски забави или “розов ден” (кога вработените носат розова облека или додатоци) на работа. Средствата собрани се донираат на центри за грижа за заболени од рак на дојка или истражувачки програми според изборот на организаторите.

Препораки зарано откривањенаракот на дојката:

Рани 20-ти: самопреглед на градите е опција за жените почнувајќи од нивните 20-ти. Жените треба веднаш да ја пријават секоја промена на градите кај нивните лекари.
Возраст 20-39 години: жените во нивните 20-ти и 30-ти треба да имаат клинички преглед на градите, како дел од редовните здравствени прегледи од страна на професионално здравствено лице, барем на секои 3 години.

Возраст 40 и повеќе години: жените на 40 годишна возраст и постари треба да прават скрининг мамограм секоја година и треба да продолжат да го прават тоа се додека се во добра здравствена состојба.

Жени со висок ризик (поголем од 20 проценти животен ризик) треба да прават МРИ и мамограм секоја година. Жените со умерено зголемен ризик (15 до 20 проценти животен ризик) треба да разговараат со своите лекари за придобивките и ограничувања за додавање на МРИ скрининг кон нивните годишни мамограми. Годишен МРИ скрининг не се препорачува за жени чијшто животен ризик од рак на дојка е помал од 15 отсто.

Воведен збор на Конференцијата ќе има Претседателката на Здружението „Борка – за секој нов ден“  Г-ѓа Биба Додева

Конференцијата ќе ја поздрави и ќе ја прогласи за отворена Г-дин Никола Тодоров, Министер за здравство, Влада на Република Македонија

Свое излагање на конференцијата ќе имаат:

Г-ѓа Маја Иванова, Сопруга на Претседателот на Република Македонија

Н.Е. Г-ѓа Мариа Хенриет Шурман, Амбасадор на Кралството Холандија во Република Македонија

Г-ѓа Мери Џо Волерс, Сопруга на Амбасадорот на САД во Република Македонија

Д-р Маја Чапова – Стојчевска, специјалист- радиолог, Клиничка болница Систина, Скопје

Проф. д-р Андреја Арсовски, специјалист во областа на тораковаскуларната  хирургија, Прва приватна општа болница Ремедика, Скопје

Мр. д-р Симонида Црвенкова, директор на ЈЗУ Универзитетска Клиника за радиологија  и онкологија, Скопје

Д-р Огнен Даскалов, субспецијалист по пластична и реконструктивна хирургија, ПЗУ „Д-р Даскалов „ Скопје

Здружението за борба против рак „БОРКА – За секој нов ден“ од Скопје по петти пат го одбележува 15 Септември – Светскиот ден за борба против  ЛИМФОМОТ-малигна болест на лимфниот систем.

 Во светот има околу 1.000.000 луѓе кои боледуваат од лимфом. Секоја година се дијагностицираат околу 360.000 нови пациенти со лимфом. Лимфомот е најчесто малигно заболување на крвта и трето најчесто малигно заболување кај децата.

За таа цел организираме прес конференција проследена со едукативно предавање кое ќе се случува на ден 14.09.2010 година (среда) во 10.30 часот во просториите на Клубот на новинари(до Соборен храм).

  На конференцијата свое обраќање ќе имаат г-ѓа Биба Додева, Претседател на Здружението Борка, и д-р Зоран Стојановски, раководител на секторот за примарна здравствена заштита при Министерството за здравство на РМ .

Едукативното предавање за лимфомот ќе го изведе Асс. д-р Сања Трајкова, специјалист-интернист и магистер по медицински науки од област на хематологија, ЈЗУ Универзитетска клиника за хематологија од Скопје

Светскиот ден за подигање на свеста за лимфомот се одбележува на 15-ти септември секоја година и како што и самото име кажува – претставува ден посветен за подигнување на свеста кај луѓето во врска со болеста лимфом – форма на рак која зачестено се јавува во последно време. Овој настан претставува глобална иницијатива поттикната од страна на Коалицијата за Лимфом, непрофитабилна организација, поточно мрежа од 49 групи на пациенти со лимфом од 36 земји ширум светот. За прв пат овој ден бил одбележан во 2004 година, се со цел да се подигне јавната свест како за Хоџкин-овиот така и за не-Хоџкин-овиот облик на лимфомот, во поглед на препознавање на симптомите, рана дијагноза и третман.

Лимфом претставува болест која е потенцијално опасна по живот и бележи константно зголемување на бројот на случаи. Околу еден милион луѓе ширум светот живеат со лимфом и секој ден се дијагностицираат по речиси 1.000 нови случаи, но и покрај сето тоа свеста кај луѓето за симптомите на лимфомот е доста мала.

Резултатите од новите истражувања (анкети) спроведени на меѓународно ниво покажуваат дека:

• кога биле запрашани дали знаат нешто за лимфните јазли, само половина (49 отсто) од испитаниците изјавиле дека знаат која е нивната функција
• иако поголемиот дел од испитаниците слушнале за лимфом, 52 отсто од луѓето знаат многу малку или воопшто ништо не знаат во врска со него
• две третини (67 отсто) од испитаниците не знаеле дека лимфом е вид на рак и дека ја има една од најголемите стапки на пораст во светот
• 90 проценти од луѓето сметаат дека не се прават доволно напори т.е. дека недоволно се финансираат истражувањата за лимфом

Зголемувањето на свеста за лимфомот ќе им овозможи на луѓето ширум светот подобро да ги препознаваат знаците и симптомите на болеста, што ќе доведе до рано дијагностицирање и навремено лекување. Зголемувањето на свеста исто така ќе ги поттикне пациентите и нивните семејства да бараат специјалистички третман и нега од квалификувани доктори, како и да добијат пристап до најновите информации, поддршка и третман во врска со болеста.

Историја

Уште од самиот почеток, во 2004 година, меѓународниот ден за подигање на свеста за лимфомот има направено свој белег на меѓународно ниво, од инспиративни уметнички изложби во Аргентина, велосипедски турнеи во Франција, до семинари за пациенти во Нов Зеланд. Глобалната кампања продолжува да обезбедува платформа преку која лекарите, медицинските сестри, групите за поддршка на пациентите, пациентите и нивните семејства ќе споделуваат информации т.е. знаења за лимфомот од витално значење, како на пример, знаците и симптомите на болеста, и тоа како таа влијае на животите на илјадници луѓе од целиот свет.

Во 2007 година, Коалицијата за Лимфом ја започна кампањата “Know Your Nodes” ( запознај ги своите лимфни јазли ) на меѓународно ниво, со цел да им помогне на луѓето да научат повеќе за лимфните јазли, лимфниот систем и лимфомот.

“Know Your Nodes” е кампања за подигање на јавната свест создадена со оглед на фактот што луѓето знаат многу малку за својот лимфен систем, а со тоа многу малку и за лимфомот, со цел навремено да ги припреми т.е. научи луѓето на основните работи во врска со лимфните јазли, лимфниот систем и лимфомот, пред Меѓународниот ден за подигање на свеста за лимфомот.

Постојат два вида на лимфоми – Хоџкин-ова лимфома и не-Хоџкин-ова лимфома. Симптомите на лимфом – особено лимфом од не-Хоџкин-ов облик (што е најчест тип на лимфом) може да бидат слични на симптомите на грип и туберкулоза, што често доведува до погрешна дијагноза. Симптомите вклучуваат намалена енергија, необјаснива треска, отечени жлезди, кашлица и гушење, постојано чешање по целото тело и намалување на телесната тежина. Наведените болести имаат слични симптоми, а разликата помеѓу нив може да се распознае микроскопски.

Во развиениот свет, лимфомот можеби не е најчестата форма на рак, но е дефинитивно една од најважните. Тој претставува една од најчестите причини за смртност поврзана со рак во развиените земји. Лимфомот од  не-Хоџкин-ов облик (non-Hodgkin lymphoma – NHL) е една од ретките форми на рак кои покажуваат нагорен тренд во бројот на случаи низ целиот свет. Третманите за лимфом имаат поминато низ огромен број промени во последните неколку децении. Биолошките третмани со моноклонални антитела имале најголемо влијание врз лимфомот отколку врз било која друга болест. Се повеќе и повеќе истражувања кои се вршат во оваа област поттикнуваат развој на се понови и понови опции за третман.

Лимфомот бележи нагорен тренд во бројот на случаи на глобално ниво. Лимфомот има стапка на појава која е повеќе од четири пати повисока од стапката на појава на рак на грлото на матката и убива повеќе луѓе отколку меланомот во Нов Зеланд. Одредени видови на лимфом можат да бидат фатални и во рок од шест месеци.

Лимфомот не  прави дискриминација врз основа на полот, возраста или културата. Тој претставува еден вид рак на крвта што се развива кога ќе се јави грешка во производството на лимфоцитите – бели крвни клетки кои се одговорни за борба против инфекции, што резултира со абнормални клетки кои стануваат канцерски. Сепак, откривањето на болеста не мора да значи дека исходот ќе биде фатален, всушност дури и агресивниот не-Хоџкин-ов облик на лимфом може да се излечи.

Младите волонтери бројат и селектираат розово маички.

Одлична енергија помеѓу волонтерите, розово расположение. „Нас сѐ ни е розово.“

Најстарата екипа од Борка внимава дали е сѐ под контрола. „Еее… во наше време, ние бевме подобри.“

Без контрола и дозвола на тетка Рада не може да се спакува ниедна маичка. „Прецеднице, не ме сликај како пливам во розово.“

Д-р Бабамова, во канцелариска работна атмосфера, како таква.

Стилизирана платнена ташна Елена Лука за Борка, 300 денари.

Борка „Творам и се борам“ платнена торбичка, 150 денари.

Торбичка за поклон, 50 денари.

Привезок „Розова панделка“ за клучеви од монистри, рачна изработка, 150 денари.

Привезок „Розова панделка“ за мобилен телефон, од монистри, рачна изработка, 150 денари.

Розови обетки, со розова панделка, 70 денари.

CEO Integrity Alfa&Omega. „Баш да видам како изгледа да седиш на местото на Прецедницата на Борка.“

Време е за кафе пауза, предлагаат најмладите. „Хехе, мене ми е слатка љубовта, па сакам кафе без шеќер.“

Почитувани пријатели,

Здружението Борка – За секој нов ден, во соработка со Здружението Интегритет Алфа и Омега и Амбасадата на САД во Република Македонија  трета година по ред  ќе ja организираат Розевата прошетка, со цел подигнување на свесноста за ракот на дојка како потенцијално излечива болест.

Поттикнати од животните приказни на нашите членови и следејќи го светскиот пример, ja организираме ovaa розева прошетка, со цел да ги поддржиме луѓето кои се борат со оваа болест и сите заедно да го прославиме животот. Минатите години на оваа прошетка учествуваа 4000 граѓани на Македонија.

Заради тоа, решивме оваа прошетка да стане традиционална и секоја година да  го правиме истото. Оваа година граѓани од 15 града ширум Македонија ќе дојдат за да ни ја дадат својата поддршка. Сметаме дека е време сите да почнеме јавно да говориме, да слушаме и симболично да чекориме против ракот на дојка.

Борбата против ракот на дојка е премногу важна за секого од нас, за да им ја препуштиме на другите. Затоа, биди и ти дел од неа! Да им помогнеме на другите да победат!

Настанот ќе започне во 11:00 часот во Градски парк пред Школка. Свои кратки обраќања пред присутните ќе имаат:
• Г-ѓа Биба Додева, Претседател на БОРКА – За секој нов ден;
• Н.Е. г-дин Филип Рикер, Амбасадор на Соединетите Американски Држави во Република Македонија

За загревање на учесниците пред прошетката  ќе се погрижат инструкторите од Fit One клубот сo zumba fitness вежби.

После прошетката следува хуманитарен концерт за чија реализација ќе биде задолжен бендот “RNC”, а воедно ќе има и jam session со познати македонски пејачи, кои секоја година ја поддржуваат оваа наша кампања.

На настанот ќе се делат бесплатни освежителни производи, едукативни флаери и брошури за ракот на дојка, како и розеви балони за најмладите посетители.

Затоа ве покануваме да донирате, купувајќи розеви производи и да учествувате во големата розева прошетка!

Продажба на розови производи од 23 мај (понеделник) на локациите пред Шмизла, Далметфу, ГТЦ, ТЦ Бисер, Клинички центар, УКИМ и низ градовите во Македонија.

ВЕ ОЧЕКУВАМЕ!

НАПРЕД РОЗОВО 2011, 28 мај (сабота) 2011, во 11:00 часот во Градски Парк пред “Школка”

Борбата против ракот на дојка е премногу важна за секого од нас, за да им ја препуштиме на другите. Затоа, биди и ти дел од неа! Да им помогнеме на другите да победат!

Донирајте купувајќи розеви производи и учествувајте во големата розева прошетка!

Продажба на розови производи од 23 мај (понеделник) на локациите пред Шмизла, Далметфу, ГТЦ, ТЦ Бисер, Клинички центар, УКИМ и низ градовите во Македонија

Концерт на бенд во живо (RNC Band) и jam session со познати македонски пејачи.

Ве очекуваме!

Dear friends,

Association for fight against cancer Borka – For each new day, in cooperation with the Association Integrity Alpha and Omega and the U.S. Embassy in Macedonia for the third time will organize a pink walk to raise awareness about breast cancer as a potentially curable disease.

Motivated by the life stories of our members and following the example of the world, will arrange this pink walk in order to support people who are struggling with this disease, all together to celebrate life. Past years this walk was attended by approximately 4000 citizens of Macedonia.

Therefore, we decided to organize this pink walk in order to make it as a tradition. This year, citizens from 15 cities across Macedonia will come to give us their support. We believe it is time for everyone to start speaking publicly, to hear and to walk symbolically against breast cancer.

Fighting against breast cancer is too important for every one of us to live it to others. So, become a part of it! Help others to win!

The event will begin at 11:00 am in City Park in front “Shell”. Brief speeches before will have:
• Ms. Biba Dodeva, President of Borka – For each new day;
• H.E Mr. Philip Reeker, Ambassador of the United States to the Republic of Macedonia

For energizing the participants before the walk will ensure instructors of Fit One club with zumba fitness exercises.
 After the pink walk follows a humanitarian concert which realization will be in charge of the band “RNC”, and also will have a jam session with famous Macedonian singers which annually support our local campaign.

The event will be handing out free refreshments, educational flyers and brochures about breast cancer and pink balloons for the youngsters.

We invite you to donate, buying pink products and participate in the big pink walk!

Sales of pink products will start from May 23 (Monday) at the following locations: Shmizla, Dalmetfu, GTC, TC Biser, Clinical Center, Ss Cyril and Methodius University in Skopje and across cities in Macedonia.

We are expecting you!

Go Pink 2011, May 28 (Saturday), 2011, at 11:00 аm in City Park in front of “Shell”

Fighting against breast cancer is too important for every one of us to live it to others.

So, become a part of it! Help others to win!

Donate buying pink products and take part in the big pink walk!

Sales of pink products from May 23 (Monday) at the following locations: Shmizla, Dalmetfu, GTC, TC Biser, Clinical Center, Ss and across cities in Macedonia

Live performance (RNC Band) and jam session with famous Macedonian singers.

We expect you!

Të nderuar miq,

Shoqata Borka – Për çdo ditë, në bashkëpunim me Shoqatën e integritetit Alfa dhe Omega dhe ambasada e SHBA-ve në Republiken e Maqedonis tre vjet radhazi do të organizojn ecjen (shetitjen) me qellim për të rritur vetëdijen për kancerin e gjirit si një semundje potiencialisht shëruese.

Motivuar nga tregimet e jetës së anëtarëve tanë dhe duke ndjekur shembullin e botës, e organizuam shëtitjen rozë me qellim që ti mbështesim njerëzit që janë duke luftuar me këtë sëmundje dhe gjithë së bashku ta festojm jetën. Vitet e kaluara këtë shëtitje e ndoqën 4000 qytetarë të Maqedonisë.

Prandaj, kemi vendosur që kjo ecje të mbetet traditë dhe çdo vit ta bëjm të njëjtën gjë. Këtë vit, qytetarët nga 15 qytete në të gjithë Maqedoninë do të vijnë për të na dhënë mbështetjen e tyre. Ne besojmë se është koha që të gjithë ta flasim publikisht, të dëgjojm dhe te ecim simbolikisht kundër kancerit të gjirit.

Lufta kunder kancerit të gjirit është shumë e rëndësishme për të gjithë ne të jetojmë për të tjerët. Pra, të jeni dhe pjesë e saj! Për të ndihmuar të tjerët për të fituar!

Ngjarja do te filloj ne ora 11:00 ne Parkun e qytetit para Guaces. Para të pranishmive me fjalim të shkurtër do të drejtohen:
• Znj Biba Dodeva, Kryetare e shoqates BORKA – Për çdo ditë të re;
• HE Z. Philip Riker, ambasadori i Shteteve të Bashkuara në Republikën e Maqedonisë

Për ngrohje e pjesëmarrësve para se të ecin do të kujdesen instruktorët e Fit One klubit me Zumba fitnes stërvitje.

Pas ecjes vijon koncert humanitar për realizimin e të cilit do të jetë përgjegjës “RNC” band, dhe gjithashtu do të ketë edhe (jam session ) me këngëtar të famshëm maqedonas, të cilët për çdo vit e mbështesin këtë fushatë ..

Në ngjarje do të ndahen produkte falas të freskëta, fletushka edukative dhe broshura për kancerin e gjirit dhe balona rozë për vizitorët e ri.

Pra, ne ju ftojmë për të dhuruar, blerja e prodhimeve rozë dhe të marrni pjesë në turneun e madh rozë !

Shitja e produkteve rozë nga 23 maj (e hënë) në lokacionet: para Shmizla, Dalmetfu, QTS (GTC), QT (TC) Biser, Qendra Klinike, SS (УКИМ) dhe nëpërqytete në Maqedoni.

JU MIRËRPESIM!

Здружението за борба против рак „Борка – за секој нов ден“, како полноправен член на Европската Асоцијација за рак на грлото на матката (ECCA), во соработка со Здружението за Хуман Папилома Вирус (ХПВ)  на Македонија, ќе реализираат едукативна кампања како дел од Европската Недела за превенција од рак на грлото на матката, 23 – 29 Јануари, 2011 год.

Едукативната кампања ја следи глобалната кампања „Бисер на Мудроста 2011“ во чии рамки Здруженијата ги повикуваат девојките и жените да сторат се за превенција од рак на грлото на матката, преку редовни гинеколошки прегледи, ПАП тестови, одговорно сексуално однесување со сите мерки за заштита од полово преносливи болести и преку редовната програма за вакцинација против ХПВ вирусите.

Главниот настан на Европската Недела за превенција од рак на грлото на матката, ќе биде Втората Конференција под името „Дали знаете дека ракот на грлото на матката може да се спречи?“

Конференцијата ќе се одржи на 27 jануари 2011 год (четврток), со почеток во 12:00 часот, во Мулти-бизнис центарот на Скопскиот саем.

Ве покануваме на оваа Конференција, со што сметаме дека ќе добиете можност за дополнителна едукација за начините на превенција од рак на грло на матка.

По завршувањето на Конференцијата следува коктел.

Се надеваме дека ќе покажете интерес за  присуство  на оваа Конференција.

Со Почит,

Биба Додева
Претседател на Здружението за борба протв рак
„Борка – за секој нов ден“

Со делење на флаери кои предупредуваат за штетноста на пасивното пушење и второстепениот чад врз здравјето на најмладата популација, Борка го одбележа Светскиот ден без цигара. Активистите на невладината организација Борка таргетираа родители на Плоштадот Македонија во Скопје и ги потсетија дека секоја нивна запалена цигара влијае врз здравјето на децата.

Во оваа прилика претседателката на Борка, Биба Додева, изјави: “Многу често додека ги слушаме оние фрази за штетноста на пушењето за нас и оние околу нас забораваме дека и најмладите се дел од нашата околина. Сите оние статистики за зголемената шанса детето да биде пушач доколку родителите пушат и за зголемените ризици за белодробни, срцеви, како и останати заболувања, не се создадени само колку да заплашат. Напротив, тие се реални – и мораме повеќе да мислиме на нив секогаш кога ќе запалиме цигара. Оваа мисла несомнено би ни помогнала во напорната борбата против пушењето.”

Денот без цигара се одбележува низ целиот свет, при што се охрабруваат сите пушачи на 24-часовна апстиненција. Неговата примарна цел е да потсети за штетноста на цигарите врз целокупната здравствена слика и да го потенцира како една од најголемите здравствени закани со кои некогаш се соочил светот. Денот без цигара датира од 1987 година, а е идеја на Светската здравствена организација.

[Show as slideshow]

Почитувани пријатели,

Здужението Борка – За секој нов ден, во соработка со Здружението Интегритет Алфа и Омега и Амбасадата на САД во Република Македонија и оваа година ќе организираат Розева прошетка, со цел подигнување на свесноста за ракот на дојка како потенцијално излечива болест.

Во Македонија, ракот на дојка е болест во сериозен подем. Секоја година се дијагностицираат околу 700 нови случаи. Не е важно дали сте млад или стар, не е важно на која политичка партија припаѓате или која е вашата верска припадност. Дури не е ниту важно дали сте жена или маж. Природата е понекокаш сурова и знае да си поигра со сите. Во Македонија, во просек на сто заболени жени има еден заболен маж од оваа болест.

Дијагнозата секогаш предизвикува страв и негативен став кај луѓето и означува почеток на интензивно емоционално и стресно патување.

Поттикнати од животните приказни на нашите членови и следејќи го светскиот пример, уште минатата година организиравме голема розева прошетка, со цел да ги поддржиме луѓето кои се борат со оваа болест и сите заедно да го прославиме животот. Минатата година на оваа прошетка учествуваа околу 2000 луѓе.

Затоа, решивме и оваа година да го направиме истото. Сметаме дека е време сите да почнеме јавно да говориме, да слушаме и симболично да чекориме против ракот на дојка.

Ве повикуваме да го направиме ова за нашите мајки, ќерки, нашите пријателки, нашите сопружници, да го направиме ова за нашите баби, тетки, за нашите татковци, браќа и сестри… Да го направиме ова за нас и за нашата иднина.

Прошетката ќе ја започнеме од Школка, во Градскиот Парк во Скопје.

На неа свои кратки обраќања пред присутните ќе имаат:

* г-ѓа Биба Додева, Претседател на БОРКА – За секој нов ден;
* г-дин Бујар Османи, Министер за здравство на РМ;
* г-дин Коце Трајанов, Градоначалник на Град Скопје;
* Н.Е. г-дин Филип Рикер, Амбасадор на Соединетите Американски Држави во Република Македонија и г-ѓа Солве Рикер.

По прошетката ќе следува хуманитарен концерт на кој ќе настапат наши бројни естрадни ѕвезди.

Оваа прошетка ќе биде сведоштво дека тешките времиња ќе ги надминеме заедно, бидејки во неизвесната борба против ракот секогаш се потребни пријатели.

Оваа прошетка ќе биде сведоштво на радост и славење на животот, не само за нас туку и за генерациите кои доаѓаат.

Придружете се на сите оние кои се осмелија да се спротивстават на ракот на дојка, здружени во една неверојатна целина, целина на херои.

Донирајте 200 денари, добијте розева маичка и учествувајте во големата розева прошетка!

Недела, 16. Мај 2010, 11:00 часот, во Градскиот Парк пред Школка.

ВЕ ОЧЕКУВАМЕ!!!