СЕКСУАЛНАТА  РЕАКЦИЈА  НА  ЖЕНАТА

Сексуалниот  живот  на  жената  се  менува во текот  на  различните  периоди  во  животот,  независно  дали  и  е  поставена  дијагноза  рак  на  дојка  или  не. Може да има  влијание и  месечниот циклус  или  важни  настани  во  животот  како  бременост  или  менопауза. Со годините, начинот  на  кој  сексуално  се  изразуваме  може  да  се  измени  поради  здравствени причини  или  други  фактори, како што се грижата  и  стресот.

Да се разбере како нашето тело реагира за време на сексуалниот контакт е важен фактор во сексуалноста на жената. Во  медицинската  терминологија  тоа  се  нарекува  женска  сексуална  реакција.  Кога  ќе  сфатите како  сексуално реагира вашето телото, ќе  имате можност  подобро  да ја разберете  својата  состојбата  и проблемите  кои  веројатно  ги  преживувате.

СЕКСУАЛНА ЖЕЛБА

Сексуалниот  интерес  на  жената  или желбата  се многу  важни  и  го  претставуваат  првиот  чекор  од  процесот.  Кога ќе ја  почувствувате  таа  желба,  половите  органи  почнуваат  да  се  полнат  со  крв. Тоа  може  да  се  случи  просто  доколку  сме  со  некој,  кој  ви  е  привлечен  или   при  допир или возбудување на  ерогените  зони (зоните  кои  ви носат  сексуално  задоволство). Артеријскиот притисок и пулсот ви се зголемуваат и дишењето се забрзува. Исто така, вагината се навлажнува.

СЕКСУАЛНА  ВОЗБУДА  И  ОРГАЗАМ

Кога триењето  и  возбудата  ќе  се  зголемат,  во  половите  органи се  забележуваат  и  други  промени. Големите  и  малите  срамни  усни  се  зголемуваат.  Доколку областа  продолжува  да  се  исполнува  со  крв,  влезот на  вагината  се отвора и на  тој  начин  го  олеснува пристапот  до  вагината  и  клиторисот. Ако триењето  и  возбудата  продолжат,  тогаш  следува  фазата  на  оргазам. Станува  збор  за  ослободување на  сексуалниот  притисок. Тоа понекогаш вклучува и грчеви на  карличните  мускули, а  понекогаш  и  во  други  делови  на  телото.