Сосема е нормално по  дијагнозата  и  терапијата  да  имате  сосема  различно  мислење  за  вашето  тело во  споредба  со  претходно.

Ракот  на  дојка веројатно  оставил  некои  видливи лузни од  тоа  што  сте  го  преживеале,  времени  или  постојани,  меѓу кои се  лузните  од  операциите,  промени  на  кожата после  зрачењето, паѓање  на  косата  за  време  на  хемотерапијата  или  нејзиното  растење подоцна.  Исто  таа  може да  сте  ослабеле  или покачиле  некој  килограм  како  резултат  на  некои  од  терапиите.  Сите  тие  нешта  може  да  ве  натераат да  се  чувствувате  разочарано  и  може  да  ја  загубите  самодовербата во  однос  на  вашиот  изглед.  Можеби  ќе  ви  биде  потребен одреден период за да се  чувствувате  добро  со  тие  промени.  Можеби  ќе се  чувствувате  несигурни,  или  за  тоа  како  околината  гледа  на  вас  и веројатно  ке  сакате  да ги  одбегнувате  ситуациите  во  кои  треба  да  се  соочите со  реакциите  на  другите спрема вашиот  надворешен  изглед. Тоа  може  да  се  одрази  на вашата самопочит односно на  начинот  како  се  доживувате  или се представувате пред околината.

Сите  тие  емоции  поврзани  со промената  на  изгледот  на телото и  самопочитта,  веројатно  ќе  имаат  влијание  врз  тоа  како ќе се  чувствувате  од  сексуална  гледна  точка.

Тоа  се  должи  на  фактот  дека  изгледот  на  телото  и  самопочитта  играат  важна  улога  за  тоа  како   ја  чувствуваме сексуалноста и  нашето  однесување  со другите.  Кога  самопочитта  ви  е  ниска  или  е  повредена,  можно  е  да  се појават  проблеми  во  сексуалните  односи,  можеби  затоа  што  се  чувствувате несреќна  или  ви  е непријатно  од  вашиот изглед.

Исто  така  може  да  ве  вознемирува и  тоа  како  ве  доживува  вашиот  партнр.  Некои  жени може  да  се обидуваат  да  избегнуваат  сексуален  контакт. Други  бараат  начин  да  се адаптираат, на пример,  понекогаш носат долна  облека  или  ноќница, која  покрива одредени делови  од телото  или ќе  си  легнат  пред  партнерот,  за  да  избегнат  да  се  соблечат  пред  него.

Независно  од сомневањата кои може  да ги  чувствувате за вашето  тело,  не  е  правилно  да  претпостаувате  дека  знаете  што  за  вас  чувствува  и телото  на  вашиот  партнер. Барањето  нови  начини  за  поделување  на  еротски  моменти  со  партнерот  можеби ќе ви помогне  да  се  навикнете  со  променетиот  изглед  на  вашето  тело  до  моментот  во  кој ќе започнете  да  се  чувствувате  покомотно. Ако  можете  да  му  објасните  на  партнерот  како  се чувствувате,  колку  и да е  необично или тешко,  тој/таа  ќе може да одговори  подобро  на вашите потреби.

„Симнав  доста  килограми  откако  го  променив  начинот  на  исхрана.  Исто  така  повеќе  се  грижев  за  моето  здравје и така  се  чувствував  многу  подобро“.

Петра

„Воопшто  не водев  љубов  додека  не  ја  завршив  целата  хемотерапија  и  зрачењето  и  тогаш  тамоксифенот  почна  потполно  да  дејствува, така  што  единственото  нешто  на  кое  се  сеќавам e  дека  чувствував  силна  болка.  Нештата  се  влошија  со  менопаузата.  Во  основа  ми  беше  многу  тешко  да се  опуштам бидејќи  се  чувствував  непријатно  поради  изгледот, и ќе  бидам  искрена,  првите  две  години  не  сакав  да имам  сексуален  контакт  со  исклучок  на  неколку пати. Водев  љубов  за  да го  задоволам сопругот“.

Соња

„Претходно  бев  многу  горда  со  својот  изглед  и  доста  се трудев  да  го  одржувам (фитнес,  три  пати  во  неделата). Сега чувствувам  дека  колку  упорно  и  да  се  обидувам  или  колку  и добро  да  изгледам  однадвор, знам  што  се  промени одвнатре. Тоа  малку  ме  прави тажна,  но  ќе  го преболам и ова. Самодовербата  ми  е  помала, поради  загубата  на  косата,  тоа исто така се  должи и на фактот  дека  дојката  засекогаш  ја  изгубив, но сепак ќе имам  една  прекрасна  протеза“.

Ана-Марија