Лимфедемот  е  оток  на  лимфната  течност,  кој може  да  е  нус појава  од  терапијата за  ракот  на  дојката. Се  случува  приближно на  една  четвртина  од  жените  кои се  подложени  на  интервенција  врз  лимфните  јазли на пазувите. Радиотерапијата ја  зголемува  опасноста  од  разивање  на  ова  заболување.  Отокот  може  да  се  забележи  во  областа  на  дојката,  каде  е  направена  операцијата,  како  и  на  раката (од  рамото  до зглобот)  или  на  прстите  од соодветната  страна  на  телото.  Степенот  на  отокот  може  да  варира.

Лимфедемот  може  да  има  влијание  врз  вас,  како  во  однос  на  вашето  тело  така  и  емоционално.  Некои од  соматските  несакани  ефекти  вклучуваат  затегање,  вкочанетост  и  непријатност  во  засегнатите  делови. Сите  тие  симптоми  можат  да  ве  натераат  да  се  чувствувате  различно  во  однос  на  вашето  тело. Ако  веќе  сте го прифатиле  новиот  изглед  на  вашето  тело,  појавата  на  лимфедемот  можеби  ќе  значи  дека  треба  да  се  приспособите кон  уште  една промена  на   надворешениот  изглед.

  Лимфедемот  може  да  ве  натера  да сметате  дека  ќе  треба  да  го  промените  начинот  на  облекување.  На  пример  да не носите  блузи  или  фустани без  ракави. Можеби ќе  требате  да  користите  специјален  ракав  за  лимфедема,  еден  јавен  знак  дека  кај  вас  има  нешто  поинакво.

Тој  оток  може  да  ви  создаде  чувство  на  зголемени  тешкотии  во   еротскиот  контакт  и  сексот. Може  да го  ограничува  движењето  на  вашето  тело  и  можеби ќе  треба  да направите  некои  промени  во  сексуалните  односи  кога  најверојатно  ќе  барате  нови пози,  за  да  ја  избегнете  тежината  или  притисокот  во  засегнатата  област.

Со соодветна  терапија,  лимфедемот  може  да  се  контролира (сепак никогаш  нема  да  исчезне  потполно). Тоа  може  да  ја  врати  самодовербата кон  надворешниот  изглед, а  со  тоа да  се  врати нивото на  сексуалната  активност  која  ја  посакувате. Ако  имате  таков  проблем, прашајте го  вашиот  специјалист  за  терапиите  за  лимфедем.