Премореноста  е претеран  замор кој  не поминува по паузата или спиењето и е често последица на анти-канцерогената  терапија. Може да  се  влоши доколку  продолжи терапијата,  а  може  да  продолжи  и  после  нејзиното  завршување. Терапиите  кои најверојатно ја  предизвикуваат  премореноста  се  хемотерапиите  и зрачењето, како и хируршката  интервенција. Хормоналните  терапии  исто  така  можат  да  влијаат  врз  нивото  на  вашата  енергија.

Ако  се  чувствувате  преморени  може  да не  сакате  воопшто  да  имате  сексуални  контакти  или  може  да  сакате  помалку  активна улога.  Можеби ќе биде  потребно  извесно  адаптирање  од  ваша  страна,  особено  ако  до  тој  момент  секогаш  сте  имале  интензивна  улога  во  љубовта. Важно  е  да  дознаете каква  ви  е  сегашната  состојба и  да  не претерувате. Обидете  се  очекувањата  да  не  ви  бидат  преголеми.

Тоа  чувство  на  премореност  ќе  се  намалува  постепено  со  текот  на  времето  и можеби тогаш ќе почувствувате  дека  имате  повеќе енергија, која ќе ја  посветите  на  сексуалниот живот.

„За  време  хемотерапијата  бев  неверојатно  изморена  и  немав  желба  да  имам  сексуален  контакт,  но  имав  потреба од многу  еротични  моменти,  како  и потребата од тоа да  ме  галат.“

Дајана

„Продолживме  да  имаме  многу  еротични  моменти  и  телата  да  ни  се  блиску,  но не  сакав  да  имам  сексуални  контакти, бидејќи  се  чувствував  многу  болна  и  ранлива. Освен  тоа,  не  се  чувствував  многу  сексуално  привлечна,  бидејќи бев  без коса,  се потев, имав  само  една  дојка, афти  во  устата  и  болка во непцата“.

Јоана

„За  време  првиот  циклус  од  хемотерапијата  немав  никакви  сексуални  или  други  проблеми, нешто  кое  се должеше  на  фактот  дека  бев  во  многу  добра  физичка  состојба  и  здрава (со  исклучок  на  ракот). Животот  ми  продолжи  слично  како  претходно  до  подоцнежните  фази  кога  заморот   почнува  да  го  покажува влијанието  врз  животот.  По  операцијата се подложив на  втор  циклус  хемотерапија  со  многу  повеќе несакани  ефекти  и  повеќе замор, кои ја избришаа  секоја  трага  од  сексуалниот живот„.

Људмила