Било  какви  прашања  да  ве  загрижуваат  околу  сексуалноста и  за  чие  решение  ви  е  потребна  помош,  при  првиот добар  момент  да  разговарајте  со  лекарот  или  специјалистот  кој  ја  следи  вашата  состојба.

Можно  е  да  ви  помогне  за  некои  од  тешкотиите  кои ги  преживувате,  како  на  пример  прашањата  поврзани  со  реконструкцијата  на  дојката,  вагиналната  сувост  или  непријатностите  поврзани  со  симптомите  на  менопаузата.

Во  определени  случаи  можеби  ќе  имате  потреба  од  специјализирана  помош и  понекогаш,  веројатно,  ќе  биде  полесно  да  зборувате  со  здравствен  работник,  отколку  со  некои од вашите блиски луѓе.

Тоа  може  да  значи  сеанси  со  консултант  или  терапевт,  кој  се  занимава  само  со  прашања  поврзани  со  сексот  или  сама  или  заедно  со  вашиот  партнер.

Повеќето онколошки  пациенти  кои  имаат  сексуални  проблеми,  немаат потреба од  долга  терапија,  но  можеби ќе  ви  е  од  полза  да  разговарате  со  некого  за  конкретен проблем  или  во  даден  период  од  терапијата  или  за  време  на закрепнувањето.

ГЛЕДАЈЌИ  ВО  ИДНИНАТА

 Со  сигурност  дека  дијагнозата  „рак  на  дојката“,  ќе  се  одрази  на  сексуалноста  и  вашите  сексуални  односи.  Можеби ќе  ви  биде  потребно  извесно  време,  како  вие,  така  и  вашиот  партнер (ако  имате  таков) да  ги прифатите  тие  промени. Веројатно ќе  имате  чувство  на  загуба  на  тоа  нешто  што  веќе  го  немате  или  гнев  за  тоа  дека  сексуалниот  живот  толку  многу  се  променил.

Од  друга  страна,  има  жени  кои  утврдуваат  дека  преживувањето  на  една  болест  која им  го  загрозува  животот, како  што  е  ракот,  ги  тера  да  сакаат  да  уживаат  во  секој  момент  од  животот,  и  на  тој  начин  вложуваат  повеќе  енергија  и  ентузијазам  во нивните  сексуални  врски.

Емоциите  на  сите,  односно  сексуалноста  и  сексуалниот  живот  се  различни  и затоа  е  важно  да  знаеме  дека  во  емоциите  нема  правилно  или  неправилно.  Да  бидете искрени со  себе  и  луѓето околу вас  ќе  ви  помогне  да  разберете,  од  една  страна,  што чувствувате  за  ракот  и,  од  друга,  како  се одразил  на  вашата  сексуалност.

Ракот  на  дојката  ќе  промени  многу аспекти  од  вашиот живот,  вклучувајќи  го  и  сексуалниот.  Покрај  тоа,  многу  жени  го  доживуваат  како  придобивка  за  поголемо  разбирање  за  сопствената  сексуалност,  создаваат  нови  сексуални  односи  кои  ги  задоволуваат .