Некои  жени чувствуваат  дека  реконструкцијата  на  градата им  помага  да  се  справат  со  промените  во  телото после  хируршката  интервенција.  Жената  може  да  избере  рекструкција  на  градата поради причини  кои  се  тесно  побрзани  со  изгледот  на  телото, самопочитта  и  сексуалноста. Реконструкцијата  често  може  да  се  направи  веднаш  после  операцијата  или  неколку  месеци, па дури  и  години  после  тоа.

Според  некои  испитувања  реконструкцијата  на  градата  веднаш  по  операцијата може  да  и  помогне  на  жената  да се  навикне  со  промените  на  телото  и  дека  ќе  се чувствува  сексуално привлечна.  Некои жени мислат  дека  реконструкцијата  им  помага  да  се почувствуваат  како комплетни  и  со  голема  самодоверба.

Покрај  тоа,  други  жени  не  сакаат  да  прибегнат  и на  втора  операција  толку  рано  по  хируршката  или  се  чувствуваат  добро  со  новиот  изглед  на  своето  тело.  Некои жени пристапуваат кон  реконструција  затоа што чувствуваат  дека  партнерот ги сака, доколку  пак  други сакаат  на  тој  начин  да  ги  разрешат  проблемите  во  сексуалните  односи. Реконструкцијата  направена  од  тие  причини,  веројатно  не  е  најдобриот  начин  за решавање  на  било  кои  проблеми. Кое  било  решение  да  одберете по  тоа прашање е важно тоа  да  е  вистинското  за  вас.

Повеќето  жени,  кои  се одлучуваат  на  реконструкција  на  градата  се  задоволни  од резултатот,  но  за  други  доживеаното  не  е  толку  позитивно. Важно  е  да  разбереме  дека  реконструкцијата  на  градата  просто го обновува  надворешниот  изглед  на  градата.  Не може  да  го  врати  чувството  кое  сте  го  имале во  дојките.

„После  реконструкцијата  се  почувствував  повторно  како комплетна  жена,  имав  самодоверба  да  ја  носам  облеката која  ја  носев  и  пред  мастектомијата“.

Силвија

„Никој  од  нас  двајцата  не  чувствува  дека  реконструкцијата  е  неопходна  за  да  имаме добар  сексуален живот. Разбирам  дека  од  естетска  гледна  точка  луѓето  ја  сметаат  за  нешто  убаво,  но  не  сакам  да  ми  прават  друга  голема  операција,  ниту  пак  сакам врз  телото да  имам  повеќе  лузни  од  тие  кои  веќе  ги  имам. За  мене  не се исплати напорот. Си  го  сакам  телото  такво  какво  што  е и сакам  единствената  хируршка  интервенција  која  ми  е  направена  да  е  таа која  беше неопходна  да  си  го  спасам  животот“.

Христина