Помладите  жени  со  рак  на  дојката веројатно ќе  почувствуваат  несигурност  дали  репродуктивната  способност ќе  им се врати по  завршувањето  на  терапијата. Можеби ќе  размислувате за веројатноста  од  постојан  стерилитет. Ако  сте  во таква  ситуација,  тој  факт  може да  биде  уништувачки  за  вас,  особено  ако уште  немате  семејство  или  не  сте  завршиле со  неговото  создавање. Може  да  се  чувствувате  изолирана  од  врсниците и  неспособна  да  го спедилете  со  другите  чувството  на  загуба,  кое  го  чувствувате. Стерилитетот  може  да  ја  натера  жената на таа  возраст  да  не  се  чувствува  сексуално  привлечна  или  комплетна.

ЉУБОВНИ  ОДНОСИ

 Ако веќе имате  врска,  можеби ќе забележите  дека  таа  се  променила. Важно  е  да  знаете  дека  промените  може  да  се позитивни  или  негативни  и  дека  со  некои  проблеми  ќе  се  справите  полесно  отколку  со други. Веројатно  ќе  ви  биде  тешко  да  зборувате  со  партнерот  за  тие  промени  и  можеби  ќе ви е  потребно  време за да  ги  решите  проблемите.

Ако  сте  имале  проблеми  во врската  пред  да  се  појави  ракот  на  дојката,  тие  проблеми  секако дека  нема  да  исчезнат. Сосема  сигурно  е дека  болеста  ќе  ве  натера  да  процените  многу  нешта  во  вашиот  живот,  вклучително  и  врската.  Некои можеби  ќе  решат  дека  повеќе  не  сакаат  да  бидат  во  врска  во  која  се  чувствуваат  несреќни. Други можеби ќе чувствуваат  дека  имаат  потреба  од  сигурноста  која  им  ја  дава  врската,  дури  и да  не  се  чувствуваат  потполно среќни.  Да умеете  да  зборувате  отворено за вашата состојба  може  да  ви  помогне  заедно  да  го  најдете  решението. Веројатно  процесот  ќе  биде  бавен,  но  ако  ги  одбегнувате  проблемите  можеби  на  долгорочен  план ќе ви биде  потешко  да  ги  решите.

Жените, кои  имале  убава  и  силна  врска  пред  дијагнозата “рак  на  дојката„  често  заклучуваат  дека  тоа  доживување  ги  зближило  уште  повеќе  со  нивниот  партнер. Заедно  имаат  сила  и можност да ги  надминат  сите  потешкотии  кои  со  себе  ги  носи  ракот  на  дојката.

Справувањето  со  таквата  ситуација  каква  што  е  ракот,  може  да ја доведе  врската  до  критична  пресвртница,  во  која  или  ќе  продолжат  или  ќе  ја  прекинат,  но  веројатно ќе  е  особено тешко  ако врската  е  нова.

Ако  сте  на  почетокот  на  една  врска,  веројатно  ќе  забележите  дека  дискутирате  за  важни  прашања  многу порано  отколку  што  би  сакале.

Ако  не  сте  во  врска,  создавањето  на  таква  може  да  ви  се  чини  многу тешко. Може  да  немате  иста  доверба  во  себе  и  во  тоа  како  ве  доживуваат  другите. Започнувањето  на  една  сексуална  врска  може  да  предизвика  чувство  на  силно  неспокојство  за  тоа  како ќе  му кажете,  на  пример,  дека  сте  оперирана  од  рак  на  дојката.

Важно  е  да  запомните  дека  љубовните  и  сексуални  односи  на  секој  човек  се  индивидуални.