„Симптомите  на  менопаузата  за  мене  беа многу  ненадејни кога избрав да  ги отстранам  јајниците. Се  чувствував исклучително непријатно  и  тоа ме  обесхрабруваше. Заклучив  дека  применувањето  на  еден локален  гел  против  болка, како  и  на  лубриканти  пред  сексот  навистина  ми  помагаше и  сексуалниот  живот  ми  се  подобри,  што е  прекрасно  за  мене и мојот сопруг.“

Мими

„Сувоста  на  вагината  беше  проблем  за  мене  и  понекогаш  може  да  е  доста  болно,  но  успеавме  да  се  справиме  со  тоа откако  посветивме  повеќе  време на  сексот,  што  е  особено  пријатно“.

Стела

Терапиите  кои  го менуваат  нивото  на  естрогени  во  нашето  тело  може да направат  промени  во  вагината,  како  сувост  или  воспаление,  кое  може  сексуалниот  контакт  да  го  направи  болен.

Сувоста  на  вагината   е симптом  кој  често  се  појавува  во  менопаузата  кај жените  што  се  подложени на  терапија за рак на дојка и може  да  предизвикаат  сериозна непријатност.  Покрај  тоа,  има  нешта  кои  можат  да  помогнат.  Кога  имаме  предвид  дека  непријатноста  и  болката  можат  да  бидат  намалени,  тогаш веројатно  ќе  се уверите   дека  желбата  за  сексуален  контакт  се  зголемува.

Основната  терапија за  сувоста  на  вагината  е  хормонална  терапија,  иако,  како  што  беше  споменато,  таа  не  се  препорачува  кај  жени  со  рак  на  дојка. Иако  некои  лекари  може  да  препишат  хормонална  терапија  со  локално  дејство  како  крем  со  естроген, кој се нанесува  на  дел  од  вагината  за краток  временски  период. Точното  количество естроген,  кое се апсорбира од  останатиот  организам  при  таа терапија  не  е  потполно сигурно, па  затоа,  можеби  е  подобро за употребата да се  консултирате  со онколог  кој  ја  следи вашата состојба.

Исто така има  некои  прости  практични  мерки,  кои  можете  да  ги  примените  и  кои  не  се  поврзани  со  употребата  на  хормони. Обидете  се  да  носите  лесна памучна  облека  и  избегнувајте  тесни  панталони, со  што  на  тој  начин  ќе  се намалува  веројатноста  да  се  иритира  областа  на  вагината.

Друго  нешто,  кое  може  да  има  позитивен  ефект, е  избегнувањето  на  ароматизирани  сапуни  и  продукти  за  капење. Наместо  сапун,  користете  кремови  на  водена  основа.

Можете  исто  така  да  се  обидете  да  ги ублажите симптомите  со производи  за  навлажнување  и  лубриканти  за  вагината,  кои ќе ви ги  препорача вашиот  лекар.  Произодите  за  навлажнување на  вагината  можат  да  се  користат  на неколку  дена. Ако  почувствувате  непријатност  за  време  на  сексот,  веројатно ќе треба  да  користите  лубриканти  на  водена  основа.