Повеќето  тинејџери  слушнале  за  ракот  и  можеби  знаат  некои  нешта. Самите  тие,  или  нивните  пријатели  веројатно  познаваат  некого  кој  починал  од  рак. Токму  поради  тоа,  треба  да  испитате  што знаат  за  ракот.  На  пример,  знаат  ли  дека  во  денешно  време  терапиите  за  рак  се  многу  ефикасни  и  дека  ракот  не  значи  задолжителна  смрт?  Тинејџерите  веројатно  ќе  сакаат  да  знаат  повеќе  за  ракот и  неговото  лечење.  Некои  тинејџери  може да изгледаат  рамнодушни  и  исто  како  некои  возрасни, ќе  се   преправаат  како  ништо  да  не  се  случува. Тоа  може  да ве  повреди,  но  можеби  тоа  е  само  нивен  начин  да  се  справат  со  ситуацијата. Други  пак  се  почувствителни.

Девојчињата  може  да  се загрижат,  дека  и  тие  ќе  се  разболат  од  рак,  особено  ако  слушнале  дека  е  наследна  болест.  90% од  случаите  на  ракот не  се  поврзани  со  семејната  историја и  тоа  е  нешто во   кое  треба  да ја  убедите вашата  ќерка.  Главна  карактеристика  за  сите  тинејџери  е  дека  покажуваат  срам  и  збунетост.  Надворешниот  изглед  е  многу  важен  за  нив  и  најверојатно  ќе  биде  неопходно  да  ги  уверите  дека  надворешниот  изглед  нема  да  се  промени и дека   промената  од  операцијата  нема  да  биде  видлива  кога  сте  облечени.

Ако  треба  да  примате  хемотерапија и  лекарства,   ќе  треба да  им  ја напоменете  и можноста за  загуба   на  косата  и  тогаш   ќе  треба  да разговарате со  нив  за  таа  варијанта  и  за  начинот  со  кој  ќе  се  справувате  со  сето  тоа.

Бидејќи обично  децата  во  пубертет  чувствуваат  потреба  да  бидат  независни  од  родителите,  би  било  добро  да  им  кажете,  дека  тоа  е  период  од  животот кога ќе  треба да  бидат  до  вас  и се надевате на  нивната  помош.  Не  заборавајте  дека   децата  на  таа  возраст  се  повеќе заинтересирани  за  сопствениот живот  и  се  разликуваат  во  однесувањето на  сериозните  проблеми во  животот. Не  очекувајте  веднаш  да  реагираат  според  вашите  потреби.  Може да пројават  чувство  за  хумор  во  однос  на  вашиот  надворешен  изглед  или  на  другите  аспекти на  лечењето. Сепак,  да  имате  дете  тинејџер  е вистински тест.  Може  да  се  случи  вљубувањето  на вашата ќерка,  на  пример, да е  поважно  за  неа  од  вашиот  рак.