Вклучи се во акцијата тука.
Во нашата земја, секоја година од рак на грло на матка заболуваат над 200 жени, а приближно половина од нив умираат како последица на оваа болест.
Во светски размери годишно се регистрираат околу 500 000 нови случаи, од кои дури 300 000 завршуваат со смрт.
Здружението за борба против рак – Борка и Здружението за ХПВ на Македонија ја најавија Неделата за превенција од рак на грлото на матката (24 – 31 јануари). Во склоп на глобалната акција “Бисер на мудроста”, двете здруженија спроведоа едукација за повеќе од сто и педесет жени – полицајки и жени – самохрани мајки.
Настанот им помогна на овие жени да дознаат дека инфекцијата со високоризични ХПВ типови е главен фактор во настанувањето на ракот на грлото на матката. ХПВ инфекцијата најчесто се пренесува преку сексуален однос, но и преку неполов пат (од мајка на дете, облека, хируршки ракавици и др).
Долготрајната инфекција со високоризичните типови на ХПВ на грлото на матката, која најчесто се пренесува по сексуален пат во содејство со други кофактори, може да предизвика рак на грлото на матката.
Речиси секој случај на рак на грлото на матката може да се спречи со редовни гинеколошки прегледи, заедно со вакцинација против ХПВ. Гинеколошките прегледи овозможуваат промените да се откријат во рана фаза. Тоа се постигнува со ПАП тест, а доколку докторот препорача и со ХПВ тест.
ХПВ вакцината овозможува заштита од двата најчести високоризични ХПВ типови (16 и 18) кои во најголем број случаи предизвикуваат рак на грлото на матката. Вакцината е наменета за девојчиња и жени на возраст од 9 до 26 години. Од октомври 2009 година, во Р. Македонија вакцината против ХПВ е воведена како задолжителна вакцина во редовниот календар за вакцинација за девојчиња на 12 годишна возраст. Во исто време, овозможено е и бесплатно вакцинирање на сите девојчиња на возраст од 9-26 години.
Вакцинираните девојчиња и жени треба да продолжат со редовни гинеколошки прегледи и одговорно сексуално однесување.
2 коментари
Ne mi e voopsto jasno, zosto devojcinja koi se smetaat za deca do 15 godini,a tinejdzeri do 18 god bi trebalo da se vakciniraat i da odrzuvaat seksualni odnosi.Neli e popravilno ako se apstinira od seksualno odnesuvanje do navrseni 18 godini. Zosto svetot ne zboruva za toa i kade se moralnite vrednosti.Ako edna devojka nemala seksualen kontakt-koja e verojatnosta taa da zaboli od rak i toa na grlo na materica?? Ako se zboruva za genikoloski faktor i ako glavniot vinovnik e seksualniot kontakt-kade e tuka edukacijata-za toa zosto da se pocnuva so rani seksualni odnosi.Znaci, ako e najrizicna grupata od 16-18 god, znaci li toa deka se znae deka ,,decata,, na taa vozrast veke imaat ,,redovni seksualni odnosi.Mislam deka e vo red da se vovede dopolnitelna edukacija po ucilistata ,,zosto i kako da se zastitat decata od rani seksualni odnosi,,Ova e samo edno moe razmisluvanje.Sekoja cest na avtorite na ovaa stranica go pocituvam Vaseto ceneto razmisluvanje.Jas go iznesov moeto .Blagodaram i sekoe dobro.
ПОТПОЛНО СЕ СОГЛАСУВАМ СО МАРИЈА И НЕЈЗИНИОТ КОМЕНТАР. НЕ ТРЕБА НИЕ ДА ГИ ВАКЦИНИРАМЕ КЕРКИТЕ НА 12 ГОДИНИ , КОГА ВАКЦИНАТА ШТИТИ САМО 5 ГОДИНИ , БУКВАЛНО НАД 18 ГОДИШНА ВОЗРАСТ КОГА ќМОЖЕБИ И КЕ СТАНАТ СЕКСУАЛНО АКТИВНИ ПОВЕКЕТО ОД НИВ ВЕКЕ НЕМА ДА БИДАТ ЗАШТИТЕНИ СО ВАКЦИНАТА.ПОЈАКА МЕДИУМСКА КАМПАЊА И ТОА Е ТОА.НЕ ЗНАЧИ ДЕКА АКО НЕШТО БЕСПЛАТНО СЕ НУДИ ЗА НАШЕ ЗДРАВЈЕ ДЕКА СЕКОГАШ Е ДОБРО .ИЗБОРОТ ВО ЖИВОТОТ СЕПАК ОСТАНУВА НА НАС И НАШАТА (НЕ) ИНФОРМИРАНОСТ.